అసౌకర్యాల మధ్య పాఠశాల ప్రారంభం

నందికొట్కూరులోని బాలికల ఉన్నత పాఠశాల అసౌకర్యాల మధ్య ప్రారంభమైంది. సరైన పరిశుభ్రత లేక విద్యార్థులు తీవ్ర ఇబ్బందులు ఎదుర్కోంటున్నారు.

కర్నూలు జిల్లా నందికొట్కూరులోని బాలికల ఉన్నత పాఠశాల విద్యార్థులు ప్రారంభ దశలోనే అనేక ఇబ్బందులు ఎదుర్కోంటున్నారు. రాష్ట్ర ప్రభుత్వ నిబంధనలు అనుసరించి... ఈ నెల 2వ తేదీ నుంచి పాఠశాలలు ప్రారంభమయ్యాయి. నాడు-నేడు పనుల వల్ల తరగతి గదులు అపరిశుభ్రంగా, దుమ్ము ధూళితో నిండివున్నాయి. పాఠశాలకు వచ్చిన 9 10 తరగతి విద్యార్థులకు నేలపై వరండాలో కూర్చోబెట్టి ఉపాధ్యాయులు పాఠాలు చెప్పారు .

గతంలో ఉన్న మరుగుదొడ్డిని పూర్తిగా కూలగొట్టి నిర్మాణం చేపట్టారు. దీంతో విద్యార్థినిలకు మరుగుదొడ్డి సౌకర్యం లేకుండా పోయింది . పూర్తిస్థాయి సౌకర్యాలతో ప్రారంభం కావలసిన పాఠశాల.... అసౌకర్యాల నడుమ ప్రారంభించడంపై విద్యార్థులు, వారి తల్లిదండ్రులు అసంతృప్తి వ్యక్తం చేస్తున్నారు.

ఇదీ చదవండీ...