కర్నూలు జిల్లా కోసిగి మోడల్ స్కూల్ సోషల్ టీచర్ తమతో అసభ్యంగా ప్రవర్తిస్తున్నాడంటూ విద్యార్థులు వాపోయారు. ఉపాధ్యాయుడి తీరుపై పాఠశాల ప్రిన్సిపల్కు ఫిర్యాదు చేసినా.. సరైన స్పందన లేదని కన్నీరు మున్నీరుగా విలపించారు. ఈ విషయం తెలుకున్న విద్యార్థినుల తల్లిదండ్రులు పాఠశాల వద్ద ఆందోళన చేపట్టారు. ఉపాధ్యాయుడిని సస్పెండ్ చేయాలని డిమాండ్ చేస్తూ ఎస్ఎఫ్ఐ విద్యార్థి సంఘాల నేతలు, విద్యార్థుల తల్లిదండ్రులు ధర్నా నిర్వహించారు.
ఈ విషయంపై మోడల్ స్కూల్ ప్రిన్సిపాల్ సమీరా రెడ్డిని 'ఈటీవీ భారత్ ప్రతినిధి' ఫోన్ ద్వారా వివరణ కోరగా.. విద్యార్థినులు తనకు ఫిర్యాదు చేసిన రోజే ఆ ఉపాధ్యాయుడిని మందలించానన్నారు. సదరు ఉపాధ్యాయుడు సెలవుల్లో ఉన్నారని.., జరిగిన ఘటనపై ఉన్నతాధికారులకు ఫిర్యాదు చేస్తానని చెప్పారు.
ఇదీ చదవండి: అధికారంలోకి వచ్చాక.. జిల్లాలు సరిచేస్తాం : చంద్రబాబు
