ఆళ్లగడ్డలో అలజడి.. మంత్రి అఖిలప్రియ సోదరి కారుపై రాళ్లదాడి

కర్నూలు జిల్లా ఆళ్ళగడ్డ పరిధిలోని అహోబిలం పోలింగ్ కేంద్రంలో తెలుగుదేశం, వైకాపా కార్యకర్తల మధ్య ఘర్షణ జరిగింది. భూమా మౌనిక కారుపైకి గంగుల వర్గీయులు రాళ్లు రువ్వారు. దాడిలో కారు అద్దాలు ధ్వంసమయ్యాయి.

కర్నూలు జిల్లా ఆళ్ళగడ్డ పరిధిలోని అహోబిలం పోలింగ్ కేంద్రంలో తెలుగుదేశం, వైకాపా కార్యకర్తల మధ్య ఘర్షణ జరిగింది. జనరల్ ఏజెంట్‌గా వచ్చిన మంత్రి భూమా అఖిలప్రియ చెల్లెలు నాగమౌనిక పోలింగ్ కేంద్రంలోకి ప్రవేశించడాన్ని... స్థానిక వైకాపా నాయకుడు ప్రశ్నించారు. ఈ పరిణామంతో... ఇరువర్గాల మధ్య గొడవ ప్రారంభమైంది. వైకాపా అభ్యర్ధి గంగుల బిజేంద్రనాథ్​ రెడ్డి అక్కడికి చేరుకోవడంతో పరిస్థితి ఉద్రిక్తంగా మారింది. మౌనిక కారుపైకి గంగుల వర్గీయులు రాళ్లు రువ్వారు. వారి దాడిలో కారు అద్దాలు ధ్వంసమయ్యాయి.