శ్రీశైలం జలాశయాన్ని మాజీ మంత్రి కాలువ శ్రీనివాసులు ఆధ్వర్యంలో రాయలసీమ ప్రాంత తెదేపా నేతలు సందర్శించారు. ఈ సందర్భంగా మాజీ మంత్రి కాలువ శ్రీనివాసులు మాట్లాడుతూ..రాయలసీమ ప్రాంత నీటి హక్కులు కోల్పోయే విధంగా కేంద్ర ప్రభుత్వం జారీ చేసిన గెజిట్ను రద్దు చేయాలని డిమాండ్ చేశారు. రాయలసీమ హక్కుల సాధన కోసం శ్రీశైలం నుంచి ఉద్యమం చేపడుతున్నట్లు ఆయన చెప్పారు.
ఈ ఉద్యమంతో కేంద్ర ప్రభుత్వంపై ఒత్తిడి తీసుకువస్తామని చెప్పారు. ఆంధ్రప్రదేశ్ నీటి హక్కులు కోల్పోయే పరిస్థితి ఉంటే.. ముఖ్యమంత్రి వైఎస్ జగన్ మౌనం వహిస్తున్నారని మండిపడ్డారు. కేసీఆర్ను ప్రశ్నించే దమ్ము జగన్కు లేకపోతే రాయలసీమ నీటి హక్కులను ఏ విధంగా కాపాడుతారని నిలదీశారు. వైఎస్ జగన్ రెండేళ్ల పాలనలో రాయలసీమకు ఒరిగింది ఏమీ లేదన్నారు. ప్రస్తుత పార్లమెంట్ సమావేశాల్లో వైకాపా ఎంపీలు స్వంత ప్రయోజనాల కోసం ప్రత్యేక విమానాల్లో దిల్లీకి వెళుతున్నారు తప్పా.. రాష్ట్ర ప్రయోజనాల కోసం గళం విప్పడం లేదని విమర్శించారు.
ఇదీ చదవండి:
