ముఖ్యమంత్రులపై ఎమ్మెల్యేలు తిరుగుబాటు చేసినప్పుడు తమ మద్దతుదారులతో గవర్నర్‌ వద్ద బలప్రదర్శన చేయడం అప్పుడప్పుడు చూస్తుంటాం. మూడో దశలో ఎన్నికలు జరగనున్న కర్నూలు జిల్లా మంత్రాలయం మేజర్‌ పంచాయతీలో పోటీ పడేందుకు.. వైకాపాలోని ఔత్సాహికులు ఇలా జిల్లా నేతల ముందు ఓటర్లతో బలప్రదర్శన చేశారు. మాజీ సర్పంచి భీమయ్య, కొత్త వ్యక్తి.. హోటల్‌ పరమేశ్‌లు ఇద్దరూ వైకాపా మద్దతు ఆశించారు. ఇరువురు అభ్యర్థులు తమ మద్దతుదారులను వెంటబెట్టుకొని ఆదివారం మంత్రాలయంలోని ఓ కల్యాణ మండపానికి వచ్చారు. ఎవరికెంత బలం ఎందో కులాలు, వర్గాల వారీగా జిల్లా నేతల ముందు ప్రదర్శించారు. చివరకు పార్టీ జిల్లా నాయకుడు సీతారామిరెడ్డి.. భీమయ్యను సర్పంచి అభ్యర్థిగా, పరమేశ్‌ను ఉప సర్పంచి అభ్యర్థిగా ప్రకటించారు.
ఇదీ చదవండి:
