కర్నూలు జిల్లా నంద్యాల మండలం అయ్యలూరు గ్రామానికి చెందిన రియాజ్, షఫీ అనే వ్యక్తులకు చెందిన ట్రాక్టర్ డ్రోజరును సమీప బంధువు సిరివెళ్లకు చెందిన రషీద్, మరికొంత మందితో కలిసి తీసుకెళ్లారు. ట్రాక్టర్ డ్రైవర్ మహబూబ్ బాషా ఫిర్యాదు మేరకు పోలీసులు కేసు నమోదు చేశారు. ట్రాక్టర్ను స్వాధీనం చేసుకున్న పోలీసులు స్టేషన్ ఎదుట ఉంచారు. డ్రోజరును తిరిగి ఇవ్వడంలో జాప్యం జరిగిందని ఆగ్రహించిన రియాజ్, షఫీలు పోలీసు స్టేషన్ ముందు ఆందోళన చేశారు.
ఈ విషయంలో పోలీసు స్టేషన్ వద్ద పంచాయితీ జరుగుతున్న క్రమంలో షఫీ మరికొంత మందితో కలిసి ట్రాక్టర్పై పెట్రోలు పోసి నిప్పంటించే యత్నం చేశారు. దీంతో స్టేషన్ వద్ద ఉద్రిక్తత నెలకొంది. వెంటనే స్పందించిన పోలీసులు పరిస్థితిని అదుపులోకి తెచ్చారు. తమ వైపు ఎలాంటి నిర్లక్ష్యం లేదని సీఐ దివాకరరెడ్డి తెలిపారు.
ఇదీ చదవండి : 'కొవిడ్ వ్యాక్సిన్ వేసేందుకు వివరాలు తయారు చేయండి'
