Police Mobile Recovery Mela : కర్నూలు జిల్లాలో పోలీసులు భారీ స్థాయిలో సెల్ఫోన్లను స్వాధీనం చేసుకున్నారు. ఇప్పటి వరకు దాదాపు 2కోట్ల రూపాయల విలువగల ఫోన్లను స్వాధీనం చేసుకున్నట్లు తెలిపారు. పొగొట్టకున్న సెల్ఫోన్లను స్వాధీనం చేసుకుని బాధితులకు అప్పగించేందుకు.. కర్నూలు పోలీసులు మొబైల్ రికవరీ మేళా కార్యక్రమాన్ని నిర్వహిస్తోంది. ఈ కార్యక్రమం ఇంకా కొనసాగుతునే ఉంటుందని పోలీసులు తెలిపారు.
ఇప్పటి వరకు పోలీసులు స్వాధీన చేసుకున్నవాటి విలువ సుమారు 2 కోట్ల 50 లక్షల రూపాయల వరకు ఉంటుందని తెలిపారు. దాదాపు 1042 సెల్ఫోన్లను స్వాధీనం చేసుకున్నట్లు వివరించారు. రాష్ట్రంలో ఎక్కడైనా సరే తమ సెల్ఫోన్లు పొగొట్టుకున్నవారు కర్నూలు పోలీసు వెబ్సైట్లో వివరాలు నమోదు చేస్తే రికవరీ చేసి ఇస్తామని తెలిపారు. దేశంలో వివిద ప్రాంతాలలో పొగొట్టుకున్న సెల్ఫోన్లను రికవరీ చేసి అందించినట్లు వెల్లడించారు. రాజస్థాన్లో పోయిన ఫోన్ కేరళలో పట్టుకున్నామని అన్నారు. విశాఖ, కృష్ణా, అనంతపురం తదితర ప్రాంతాలకు చెందిన బాధితుల ఫోన్లను ఇప్పటివరకు రికవరీ చేసినట్లు వెల్లడించారు.
"అందరికి తెలుసు మొబైల్ ఫోన్ పోతే దాని పరిష్కారం అంతా సులభంగా ఉండేది కాదు. ఇప్పుడు పోలీస్ స్టేషన్కి వెళ్లాల్సిన అవసరం లేదు. మీసేవ సెంటర్కు వెళ్లాల్సిన అవసరం లేదు. కర్నూలు పోలీస్ వెబ్సైట్కి వెళ్లి వివరాలు నమోదు చేస్తే.. సాధ్యమైనంత వరకు మొబైల్ ఫోన్లను పట్టుకుని మీకు ఇస్తాము. ఆంధ్రప్రదేశ్లో ఉన్నావారు ఎవరైనా సరే వివరాలు వివరాలు నమోదు చేసుకోవచ్చు. ఈ కార్యక్రమానికి మంచి ప్రోత్సాహం వస్తే ఇంకా ముందుకు కొనసాగిస్తాము."-సిద్ధార్థ కౌశల్ ,ఎస్పీ
ఇవీ చదవండి:
