Huge Floods to Sreesailam: శ్రీశైలం జలాశయానికి భారీ వరద.. 2 రోజుల్లో నిండే అవకాశం!

ఎగువన కురుస్తున్న వర్షాలకు కృష్ణా, గోదావరి నదులు ఉద్ధృతంగా ప్రవహిస్తున్నాయి. శ్రీశైలానికి భారీగా వరద వచ్చి చేరుతోంది. జలాశయం గరిష్ట నీటిమట్టం 885 అడుగులు కాగా... ప్రస్తుతం 874.40 అడుగులకు నీరు చేరింది. మరో 55 టీఎంసీల నీరు వస్తే... శ్రీశైలం జలాశయం పూర్తిగా నిండనుంది.

ఎగువ ప్రాంతాల నుంచి శ్రీశైలం జలాశయానికి 3,22,262 క్యూసెక్కుల వరద ప్రవాహం కొనసాగుతోంది. ప్రాజెక్టు గరిష్ట నీటిమట్టం 885 అడుగులు కాగా... ప్రస్తుతం 874.40 అడుగుల మేర నీరుంది. గరిష్ఠ నీటి నిల్వ 215 టీఎంసీలు కాగా... ప్రస్తుతం 160.91 టీఎంసీలుగా నమోదైంది. మరో 55 టీఎంసీల నీరు వస్తే... శ్రీశైలం జలాశయం పూర్తిగా నిండనుంది.

వరద ప్రవాహం ఇదే తీరుగా కొనసాగితే.. బుధ, గురువారాల నాటికి ప్రాజెక్టు పూర్తి స్థాయిలో నిండే అవకాశం ఉందని ఆనకట్ట పర్యవేక్ష ఇంజినీర్ వెంకట రమణయ్య తెలిపారు. జలాశయం నిండగానే.. గేట్లు ఎత్తి నాగార్జునసాగర్ కు నీటిని విడుదల చేయవచ్చన్నారు.

ఇదీ చూడండి: