'అడవులు, పులుల సంరక్షణకు చర్యలు'

కర్నూలు జిల్లా మహానందిలో మహానందీశ్వర ఆలయాన్ని అటవీశాఖ ప్రత్యేక ముఖ్య కార్యదర్శి దర్శించుకున్నారు. అటవీ, పులుల సంరక్షణపై ప్రత్యేక చర్యలు తీసుకుంటున్నట్లు వివరించారు.

అటవీ పరిరక్షణకు ప్రత్యేక చర్యలు తీసుకుంటున్నట్లు అటవీశాఖ ప్రత్యేక ముఖ్య కార్యదర్శి నీరప్ కుమార్ తెలిపారు. కర్నూలు జిల్లా మహానందిలో మహానందీశ్వర ఆలయాన్ని నీరప్ కుమార్ సందర్శించారు. ఈ సందర్భంగా మాట్లాడుతూ, పులుల సంరక్షణపై ప్రత్యేక దృష్టి సారించినట్లు వివరించారు. అనంతపురం-అమరావతి రహదారి ఏర్పాటు అడవిలో వేయాల్సిన స్థలాన్ని పరిశీలించినట్లు వెల్లడించారు. అడవిలో ప్రస్తుతం ఉన్న రైల్వేలైన్​ పైనుంచి జంతువులు వెళ్లకుండా తగు చర్యలు తీసుకున్నట్లు తెలిపారు.

ఇదీ చదవండి: మహానంది ఆలయానికి నూతన పాలకమండలి నియామకం