Diamonds theft in Banjara Hills: హైదరాబాద్ బంజారాహిల్స్లో కోటి రుపాయలు విలువచేసే వజ్రాలు చోరీకి గురైన ఘటన ఆలస్యంగా వెలుగులోకి వచ్చింది. పోలీసులు తెలిపిన వివరాలు ప్రకారం బంగారు ఆభరణాల వ్యాపారం చేసే పవన్కుమార్ డైమండ్ నెక్లెస్‌ ఆర్డర్‌ నిమిత్తం గుజరాత్లోని సూరత్ నుంచి వజ్రాలు, బంగారం ముడిసరుకు తెప్పించారు. మంగళవారం రోజున తన షాప్‌లోని లాకర్‌లో వాటిని జాగ్రత్తగా భద్రపరిచారు.
బుధవారం ఉదయం వెళ్లి దుకాణాన్ని తెరవగా లాకర్తో సహా వజ్రాలు చోరీకి గురైనట్లు గమనించారు. వెంటనే పోలీసులకు ఫిర్యాదు చేశారు. ఘటనా స్థలానికి చేరుకున్న పోలీసులు కేసు నమోదు చేసుకొని దర్యాప్తు ప్రారంభించారు. చోరీకి గురైన వజ్రాల విలువ కోటి రూపాయలు ఉంటుందని పవన్ కుమార్ అంటున్నారు.
ఇవీ చదవండి:
