శ్రీశైలం ఆనకట్టకు మరమ్మతులు చేయండి: రామకృష్ణ

శ్రీశైలం జలాశయం ఆనకట్ట ప్రమాదంలో ఉందన్న రాజేంద్రసింగ్ హెచ్చరికపై... సీపీఐ నేత రామకృష్ణ స్పందించారు. రాష్ట్ర ప్రభుత్వం తక్షణమే స్పందించి డ్యాం రక్షణకు చర్యలు చేపట్టాలని కోరారు.

సీఎంకు రామకృష్ణ లేఖ

కర్నూలు జిల్లాలోని శ్రీశైలం జలాశయం ఆనకట్ట మరమ్మతులకు... ప్రభుత్వం వెంటనే చర్యలు తీసుకోవాలని సీఎం జగన్​కు సీపీఐ రాష్ట్ర కార్యదర్శి కె.రామకృష్ణ లేఖ రాశారు. శ్రీశైలం ప్రాజెక్టు ఆనకట్టకు పగుళ్లు ఏర్పడ్డాయని, ప్రమాదం పొంచి ఉందని వాటర్​మెన్ ఆఫ్ ఇండియా, రామన్ మెగసెసే అవార్డు గ్రహీత రాజేంద్రసింగ్ చెప్పిన విషయం గుర్తుచేశారు. శ్రీశైలం ప్రాజెక్టు నిర్వహణకు సిబ్బందిని నియమించాలని కోరారు. ప్రభుత్వం తక్షణమే స్పందించి ఆనకట్టకు మరమ్మతులు చేపట్టాలని రామకృష్ణ తన లేఖలో విజ్ఞప్తి చేశారు. కాగా... శ్రీశైలం ఆనకట్టకు వచ్చిన ప్రమాదమేమి లేదని జలవనరుల శాఖ మంత్రి అనిల్​కుమార్ యాదవ్ స్పష్టం చేశారు.

సంబంధిత కథనాలు