చెత్త అంటుకుని పేలుడు.., నలుగురు చిన్నారులకు గాయాలు

కర్నూలు జిల్లా కందనాతి అంగన్​వాడీ కేంద్రం వద్ద చెత్తకి అంటుకున్న నిప్పు వలన పేలుడు సంభవించింది. ఈ ప్రమాదంలో నలుగురు చిన్నారులు గాయపడ్డారు. గాయపడిన చిన్నారులను ఎమ్మిగనూరు ప్రభుత్వ ఆసుపత్రికి తరలించి చికిత్స అందించారు. ఈ ఘటనపై విచారణ చేపడతామని ఎమ్మిగనూరు గ్రామీణ సీఐ మహేశ్వరరెడ్డి తెలిపారు.

కర్నూలు జిల్లా ఎమ్మిగనూరు మండలంలోని కందనాతి అంగన్​వాడీ కేంద్రం పరిసరాల్లో చెత్తకు పెట్టిన నిప్పు వలన నలుగురు చిన్నారులకు గాయాలయ్యాయి. చెత్తలో ఉన్న ప్లాస్టిక్ డబ్బాలు, ఇతర వస్తువులు అంటుకుని ఒక్కసారిగా పేలుడు సంభవించింది. పేలుడు వల్ల పక్కన ఆడుకుంటున్న అంగన్​వాడీ చిన్నారులు గాయపడ్డారు. గాయపడిన చిన్నారులను తల్లిదండ్రులు ఎమ్మిగనూరు ప్రభుత్వ ఆసుపత్రికి తరలించారు. చిన్నారులకు వైద్యులు చికిత్స అందించారు. చిన్నారులను తహసీల్దార్ వెంకటేశ్వర్లు, ఎమ్మిగనూరు గ్రామీణ సీఐ మహేశ్వరరెడ్డి పరామర్శించారు.

ఇదీ చదవండి : చిల్లకల్లులో టిప్పర్, బైకు ఢీ.. ఒకరికి గాయాలు