ట్రాక్టర్ బోల్తా
కృష్ణాజిల్లా పెనుగంచిప్రోలు వద్ద మున్నేరు వంతెనపై ప్రమాదం చోటు చేసుకుంది. వంతెనపై నుంచి ట్రాక్టర్ కింద పడింది. ఈ ఘటనలో ఇద్దరు మృతి చెందగా మరికొంతమందికి గాయాలయ్యాయి. బాధితులు తెలంగాణలోని సూర్యాపేట జిల్లా గరిడేపల్లి మండలం రెడ్డిగూడెం గ్రామస్థులు. వీరు పెనుగంచిప్రోలు తిరుపతమ్మ అమ్మవారి దర్శనానికి వచ్చి తిరిగి వెళ్తుండగా ఘటన చోటు చేసుకుంది. ఈ ప్రమాదంలో డ్రైవర్‌ వెంకటనారాయణతో పాటు మరొకరు మృతి చెందినట్లు సమాచారం. మరో 15 మంది తీవ్ర గాయాలపాలయ్యారు. వారందరిని చికిత్స కోసం జగ్గయ్యపేట ప్రభుత్వాసుపత్రికి తరలించారు
