పాయకాపురంలో వరుస దొంగతనాలు... ఆందోళనలో ప్రజలు

విజయవాడ పాయకాపురంలో వరుస దొంగతనాలు స్థానికులను భయబ్రాంతులకు గురి చేస్తున్నాయి. పోలీసులు స్పందించి వెంటనే తగిన చర్యలు చేపట్టాలని వారు కోరుతున్నారు.

విజయవాడ పాయకాపురంలో వరుస దొంగతనాలు జరుగుతున్నాయి. నిన్న ఓ ఆగంతకుడు హల్​చల్ చేసిన దృశ్యాలు సీసీ కెమెరాలో లభ్యమయ్యాయి. దొంగతనానికి వచ్చిన అతను ఇంటి యజమాని సతీష్​పై బీర్​ బాటిల్​తో దాడి చేశాడు. బాధితుడు నున్న పోలీస్ స్టేషన్​లో ఫిర్యాదు చేయటానికి వెళ్లగా బెదిరింపు ఫోన్​ కాల్స్ వచ్చాయి. ఇవాళ అదే ప్రాంతంలో ఓ హోటల్​లో సామగ్రిని దొంగలు ఎత్తుకెళ్లారు. పోలీస్టేషన్​కు కూతవేటు దూరంలో సంఘటనలు జరగటంతో స్ధానికులు భయభ్రాంతులకు గురవుతున్నారు.

ఇదీ చదవండి: కొవిడ్​ కాలంలో మధుమేహాన్ని నియంత్రించండి ఇలా!