అంగన్​వాడీ కేంద్రాలకు ఆహారధాన్యాల సరఫరా ఎప్పుడో..!

రెండు నెలల నుంచి ఆహారధాన్యాల పంపిణీ సక్రమంగా జరగడం లేదంటూ... అంగన్​వాడీ కార్యకర్తలు ఆందోళన చేశారు. చిన్నారులకు, బాలింతలకు పౌష్టికాహారం కొరత లేకుండా... శనగలు, పామాయిల్​, పాలు సక్రమంగా పంపిణీ చెయ్యాలని విజ్ఞప్తి చేశారు.

అంగన్​వాడీ కేంద్రాలకు ఆహారధాన్యాల పంపిణీ సక్రమంగా జరగడం లేదన్న ఆరోపణలు... కృష్ణా జిల్లాలో గట్టిగా వినిపిస్తున్నాయి. అంతంతమాత్రం అందే ఆహార ధాన్యాలతో... చిన్నారుల ఆకలి తీర్చేందుకు అంగన్​వాడీ కార్యకర్తలు నానా తంటాలు పడుతున్నారు. కొన్ని కేంద్రాల్లో గత రెండు నెలల నుంచి చిన్నారులకు, బాలింతలకు ఇవ్వాల్సిన శనగల పంపిణీ సక్రమంగా జరగడంలేదు. ఫలితంగా చిన్నారులు ఆహార సమస్యలతో ఇబ్బంది పడుతున్నారు. కొందరు తల్లిదండ్రులు తమ చిన్నారులను అంగన్​వాడీకి పంపేందుకు నిరాకరిస్తున్నారు. ఇప్పటికైనా సక్రమంగా పంపిణీ చేయాలని అంగన్​వాడీ కార్యకర్తలు కోరుతున్నారు.

ఇదీ చూడండి: ప్రకాశం జిల్లాలో ఆగిన బాలామృతం... అందని పౌష్టికాహారం