కృష్ణా జిల్లా మైలవరంలోని స్థానిక స్టేట్‌ బ్యాంక్‌ ఆఫ్‌ ఇండియా ఏటీఎంలో చెదలు పట్టిన నోట్లు కలకలం రేపాయి. మైలవరానికి చెందిన చాట్ల సుధాకర్ అనే వ్యక్తి.. ఎస్బీఐ శాఖకు ఎదురుగా ఉన్న అదే బ్యాంకు ఏటీఎంలో.. 10 వేల రూపాయల నగదు డ్రా చేశారు. అయితే అందులో పది కరెన్సీ(500) నోట్లు చెదలు పట్టి ఉన్నాయి. వెంటనే సుధాకర్..బ్యాంకు మేనేజర్‌ను ఆశ్రయించారు. చెదలు పట్టిన నోట్లు వచ్చాయని మైలవరం బ్రాంచ్ మేనేజర్ తెలిపారు. అయితే ఈ నోట్లు తమ బ్యాంకువి కాదని బాధితుడి పట్ల.. బ్యాంకు మేనేజర్ దురుసుగా ప్రవర్తించారు. దీంతో బాధితుడు పోలీసులకు ఫిర్యాదు చేశాడు. పోలీసుల సమక్షంలో ఏటీఎం ఓపెన్ చేయాలని బాధితులు కోరగా అందుకు మేనేజర్ నిరాకరించాడు.
ఇదీ చదవండీ.. వ్యాక్సిన్ల కోసం ఉత్పత్తి కంపెనీలతో రాష్ట్రం సంప్రదింపులు
