కర్నూలులో మంత్రి గుమ్మనూరు కుటుంబ సభ్యుల పేకాట క్లబ్ సాక్ష్యాధారాలతో బహిర్గతమైన ఘటన మరవకముందే.. తాడికొండ ఎమ్మెల్యే శ్రీదేవి భాగోతం బయటకు వచ్చిందని వంగలపూడి అనిత విమర్శించారు. పార్టీ నాయకులతో పేకాట క్లబ్లు నిర్వహిస్తున్న ఆమె.. ఎమ్మెల్యే పదవికి అనర్హురాలని అనిత అన్నారు.
సామాజిక మాధ్యమాల్లో వైరల్ అయిన శ్రీదేవి ఆడియోపై విచారణ జరిపించి తక్షణమే కేసు నమోదు చేసి చట్టపరమైన చర్యలు తీసుకోవాలని డిమాండ్ చేశారు. పేకాట క్లబ్లు నిర్వహించమని ఎమ్మెల్యేనే ఆదేశించటంపై ముఖ్యమంత్రి స్పందించాలన్నారు. అవకాశం ఇస్తే అసెంబ్లీ, సచివాలయాలను పేకాట క్లబ్లుగా మార్చేందుకు సిద్దంగా ఉన్నారని దుయ్యబట్టారు.
ఇదీ చదవండి; ఔరా ఇస్రో: పీఎస్‌ఎల్‌వీ సీ-49 ప్రయోగం విజయవంతం
