భాజపా ఫ్లెక్సీలపై ఎన్టీఆర్.. ఈ చిత్రం చూశారా?

తెలుగుదేశం నుంచి భారతీయ జనతా పార్టీ లోకి చేరిన తరువాత మొదటిసారిగా కేంద్రమాజీ మంత్రి సుజనా చౌదరి కృష్ణా జిల్లాకు వచ్చారు. ఈ సందర్భంగా ఏర్పాటు చేసిన ఫ్లెక్సీలపై ప్రధాని నరేంద్ర మోదీతో పాటు తెలుగుదేశం పార్టీ వ్యవస్థాపక అధ్యక్షులు ఎన్టీఆర్ చిత్రాలు ఉండడం... చర్చనీయాశమైంది.

కేంద్ర మాజీ మంత్రి, భాజపా ఎంపీ సుజనా చౌదరికి విజయవాడ గన్నవరం విమానాశ్రయంలో అనుచరులు ఘనస్వాగతం పలికారు. సుజనా రాకను పురస్కరించుకుని గన్నవరం విమానాశ్రయం నుంచి విజయవాడ నగరంలో ప్రధాన కూడళ్ల వరకు దారి పొడవునా స్వాగత ఫ్లెక్సిలు ఏర్పాటు చేశారు. ఈ ఫ్లెక్సీలపై ప్రధాని నరేంద్ర మోదీతో పాటు సీనియర్ ఎన్టీఆర్ చిత్రాలను కూడా ముద్రించడం చర్చనీయాంశమైంది. విజయవాడలో శ్రేయోభిలాషులు, భాజపా నేతలు, వివిధ రంగాలకు చెందిన ప్రముఖులతో సుజనా ఆత్మీయ సమావేశం నిర్వహించారు.

ఇదీ చూడండి విషాదం.. ఇద్దరు పిల్లలు సహా తల్లి బలవన్మరణం