కృష్ణా జిల్లా గుడివాడ మండలం బిల్లపాడు గ్రామంలో విషాదం నెలకొంది. కుటుంబ కలహాలతో కలత చెందిన లావణ్య (27) అనే ఆరు నెలల గర్భిణి.. ఆత్మహత్య చేసుకుంది. లావణ్యకు బిల్లపాడుకు చెందిన నవీన్తో రెండేళ్ల క్రితం వివాహం జరిగింది. కొంత కాలంగా భార్యభర్తల మధ్య గొడవలు జరుగుతున్నాయని స్థానికులు చెప్పారు.
శుక్రవారం రాత్రి దంపతుల మధ్య మళ్లీ గొడవ జరిగిందని.. మనస్థాపం చెందిన లావణ్య.. ఇంట్లో ఉరివేసుకొని ఆత్మహత్య చేసుకుని ఉంటుందని తెలిపారు. స్థానికులు ఇచ్చిన సమాచారంతో రూరల్ మండల పోలీసులు ఘటనా స్థలాన్ని పరిశీలించారు. మృతురాలి బంధువుల ఫిర్యాదుతో కేసు నమోదు చేసి దర్యాప్తు చేస్తున్నారు.
ఇదీ చదవండి:
Accident: శ్రీశైలం ఘాట్‌ రోడ్డులో ప్రమాదం.. ఆర్టీసీ బస్సు-కారు ఢీ
