'మున్సిపల్, ఎంపీటీసీ, జడ్పీటీసీల్లోనూ.. ప్రభంజనం సృష్టిస్తాం'

పంచాయతీ ఎన్నికల్లో వైకాపా ప్రభంజనం సృష్టించిందని పంచాయతీ రాజ్ మంత్రి పెద్ది రెడ్డి రామచంద్రారెడ్డి అన్నారు. ఇదే స్పూర్తితో రాబోయే మున్సిపల్, ఎంపీటీసీ, జడ్పీటీసీ ఎన్నికల్లోనూ ఇంతకన్నా మెరుగైన ఫలితాలు సాధిస్తామని స్పష్టం చేశారు.

పంచాయతీ ఎన్నికల్లో 80.37 శాతం వైకాపా బలపర్చిన అభ్యర్థులే గెలుపొందారని.. మంత్రి పెద్దిరెడ్డి రామచంద్రారెడ్డి తెలిపారు. ప్రభుత్వం పనితీరుకు ఈ ఫలితాలు నిదర్శనమన్న ఆయన జగన్ పాలనకు ఈ ఫలితాలు ప్రజలు కట్టిన పట్టమన్నారు. ఇదే స్ఫూర్తితో మున్సిపల్‌ ఎన్నికల్లోనూ ఘనవిజయం సాధిస్తామని పేర్కొన్నారు. విజయవాడ, గుంటూరు నగరపాలక సంస్థలను కైవసం చేసుకుంటామని ధీమా వ్యక్తం చేశారు.

ఇవీ చూడండి... 'కొందరు అధికారులు వైకాపాకు కొమ్ముకాస్తున్నారు'