సచివాలయాల్లో తమనే నియమించాలని సర్వేయర్ల నిరసన

గ్రామ సచివాలయాల్లో తమను అసిస్టెంట్​ సర్వేయర్లుగా నియమించాలని లైసెన్స్​డ్​ సర్వేయర్ల నిరసనలు రెండో రోజుకు చేరాయి. ప్రజా సంకల్ప యాత్రలో సీఎం జగన్​ ఇచ్చిన హామీలను నిలబెట్టుకోవాలని డిమాండ్​ చేశారు.

లైసెన్స్​డ్​ సర్వేయర్లను గ్రామ సచివాలయల్లో సిబ్బందిగా నియమించాలని డిమాండ్ చేస్తూ రాష్ట్ర లైసెన్స్​డ్ సర్వేయర్ల సంఘం చేపట్టిన నిరసనలు రెండో రోజుకు చేరాయి. విజయవాడ ధర్నాచౌక్​లో లైసెన్స్​డ్​ సర్వేయర్లు తమకు ఉద్యోగ భద్రత కల్పించాలని భిక్షాటన చేస్తూ వినూత్నంగా ఆందోళన చేశారు. ముఖ్యమంత్రి జగన్​ ప్రజా సంకల్ప యాత్రలో ''నేను ఉన్నా, విన్నా''నంటూ ఇచ్చిన హామీలకు అనుగుణంగా న్యాయం చేయాలని డిమాండ్​ చేశారు. రాష్ట్రవ్యాప్తంగా సుమారు 2,500 కుటుంబాలు రోడ్డున పడ్డాయని వారు ఆవేదన వ్యక్తం చేశారు. తమ సమస్య పరిష్కరించకుంటే తమ ఉద్యమాన్ని తీవ్రతరం చేస్తామని హెచ్చరించారు.

ఇదీ చూడండి:

వారి మృతి తెదేపాకు తీరని లోటు: చంద్రబాబు