గత ప్రభుత్వ హయాంలో చేపట్టిన పేదల గృహ నిర్మాణ పెండింగ్ బిల్లులను వెంటనే చెల్లించాలని విజయవాడ పార్లమెంట్ తెదేపా అధ్యక్షుడు నెట్టెం రఘురాం, జగ్గయ్యపేట మాజీ ఎమ్మెల్యే శ్రీరామ్ రాజగోపాల్ డిమాండ్ చేశారు. పెనుగంచిప్రోలులో గత ప్రభుత్వ హయాంలో ఇల్లు నిర్మించుకున్న లబ్ధిదారులను నేతలు కలిశారు. వారి పెండింగ్ బిల్లుల వివరాలను సేకరించారు. నిర్మించిన గృహాలను వెంటనే లబ్ధిదారులకు అందజేయాలని కోరారు. ప్రభుత్వం స్పందించకుంటే రానున్న సంక్రాంతికి ఆ గృహాలను లబ్ధిదారులకు దగ్గరుండి అందజేయడం జరుగుతుందని నేతలు హెచ్చరించారు. పెండింగ్ బిల్లులు విషయంలో అవసరమైతే కోర్టులకు వెళ్లి లబ్ధిదారుల తరఫున పోరాటం చేస్తామని తెదేపా నేతలు స్పష్టం చేశారు.
ఇదీచదవండి
ఎస్సీ, ఎస్టీ, బీసీలను జగన్‌ ప్రభుత్వం మనుషుల్లా చూడటం లేదు: అచ్చెన్న
