మద్యం మత్తులో భార్యను కత్తితో పొడిచి చంపిన భర్త

మద్యం మత్తులో భార్యను కత్తితో పొడిచి భర్త హత్య చేసిన దారుణఘటన విజయవాడ నగర శివారు పాయకాపురం ఎల్​బీఎస్ నగర్​లో కలకలం సృష్టించింది. దంపతుల మధ్య ఘర్షణ వాతావరణం తలెత్తిన కారణంగానే నిందితుడు తీవ్ర ఘాతుకానికి పాల్పడినట్లు స్థానికులు వెల్లడించారు.

విజయవాడ నగర శివారు పాయకాపురం ఎల్​బీఎస్ నగర్​లో భార్యను కత్తితో పొడిచి భర్త హత్య చేశాడు. మృతురాలు నీరజ బీసెంట్ రోడ్డులో బొమ్మల దుకాణం నిర్వహిస్తున్నారు. పని పాట లేని భర్త మద్యానికి బానిసగా మారి భార్యతో నిత్యం ఘర్షణ పడేవాడని స్థానికులు పేర్కొన్నారు.

ఈ నేపథ్యంలోనే దంపతుల మధ్య మాటా మాటా పెరిగి నిందితుడు తీవ్ర ఘాతుకానికి పాల్పడినట్లు భావిస్తున్నారు. ఘటనా స్ధలానికి చేరుకున్న ఏసీపీ షేక్ షాను, నున్న గ్రామీణ పోలీసులు కేసు నమోదు చేసి దర్యాప్తు చేస్తున్నారు.

ఇవీ చూడండి: