ఆకలితో అలమటిస్తున్న పేదలకు ఆహారం పంపిణీ

కరోనా వ్యాప్తితో దేశమంతా లాక్​డౌన్ అమల్లో ఉంది. అనేక మంది పేద ప్రజలు ఉపాధి కోల్పోయి ఆకలితో అలమటిస్తున్నారు. దీంతో దాతలు ముందుకు వచ్చి తమ వంతు సాయం అందిస్తున్నారు.

కృష్ణా జిల్లా విజయవాడ పాతబస్తీలో పేదలకు ఆహార వితరణ కార్యక్రమంలో దేవాదాయ శాఖ మంత్రి వెలంపల్లి శ్రీనివాసరావు పాల్గొన్నారు. పేదల కోసం ప్రభుత్వం అనేక సేవా కార్యక్రమాలు నిర్వహిస్తుందని తెలిపారు. లాక్​డౌన్​తో ఉపాధి కోల్పోయిన ప్రజలకు సి ఛానల్ ఎండీ రమేష్ బాబు అన్నదానం చేయడం సంతోషంగా ఉందన్నారు. దాతలు ముందుకొచ్చి పేదల ఆకలి తీర్చడంలో తమవంతు సాయం అందిస్తున్నారని తెలిపారు.

ఇదీ చదవండి: తితిదే ఆస్తులు ఎట్టిపరిస్థితుల్లోనూ విక్రయించం: సుబ్బారెడ్డి