కృష్ణాజిల్లాలో కోవిడ్- 19 కేంద్ర బృందం పర్యటన

కృష్ణాజిల్లా నూజివీడు పట్టణం, విజయవాడ రూరల్​లో కోవిడ్- 19 కేంద్ర ప్రత్యేక బృందం పర్యటించింది. క్వారంటైన్​ కేంద్రాలు, రెడ్ జోన్ ప్రదేశాలలో అధికారులు తీసుకుంటున్న జాగ్రత్త చర్యలపై... వైద్య బృందం సంతృప్తిని వ్యక్తం చేసింది.

కృష్ణాజిల్లా నూజివీడు పట్టణం, విజయవాడ రూరల్​లో కోవిడ్- 19 కేంద్ర ప్రత్యేక బృందం పర్యటించింది. కేంద్ర ఆరోగ్య కుటుంబ సంక్షేమ మంత్రిత్వ శాఖ నుంచి వైద్యులు... వివేక గిష్, రుచిగలాంగ్​లతో కూడిన ప్రత్యేక వైద్య బృందం నూజివీడులోని కోవిడ్ స్వాబ్ కలెక్షన్ సెంటర్, ట్రిపుల్ ఐటీ క్యాంపస్​లోని క్వారంటైన్ సెంటర్, ముసలి రామ మందిరం పరిసరాలు, గాంధీనగర్ కంటైన్మెంట్ ఏరియా, విజయవాడ గూడవల్లిలోని నారాయణ కాలేజీ క్వారంటైన్ సెంటర్​లను పరిశీలించింది.

ట్రిపుల్ ఐటీ క్యాంపస్​లోని క్వారంటైన్ కేంద్రం, రెడ్ జోన్ ప్రదేశాలలో అధికారులు తీసుకుంటున్న జాగ్రత్త చర్యలపై వైద్య బృందం సంతృప్తిని వ్యక్తం చేయగా... నారాయణ కాలేజీ క్వారంటైన్ సెంటర్​ను స్టేట్ మోడల్ కోవిడ్ సెంటర్​గా ప్రకటించింది. జిల్లా సబ్ కలెక్టర్ స్వప్నిల్ దినకర్, డీఎస్పీ శ్రీనివాసులు, ఏరియా ఆసుపత్రి సూపరింటెండెంట్ డాక్టర్ ఆర్ నరేంద్ర సింగ్​లు కేంద్ర బృందానికి వివరాలను అందజేశారు.

ఇదీ చదవండి: