రాష్ట్రంలో కర్ఫ్యూ సడలింపుల్లో ప్రభుత్వం మార్పులు చేసింది. సీట్ల మధ్య ఖాళీ ఉండేలా సినిమా థియేటర్లకు అనుమతినిచ్చింది. 50 శాతంతో రెస్టారెంట్లు, జిమ్‌లు, కల్యాణ మండపాలకు ప్రభుత్వం అనుమతినిచ్చింది.
ఉభయ గోదావరి జిల్లాల్లో తప్ప.. అన్ని జిల్లాల్లో రాత్రి 9 గంటలకే దుకాణాలు మూసివేయాలని ఆదేశాలు జారీ చేసింది. ఆ రెండు జిల్లాలో ఉదయం 6 నుంచి రాత్రి 7 గంటల వరకు సడలింపు చేయగా.. 6 గంటలకే దుకాణాల మూసివేయాలని ఆదేశించింది. మిగిలిన జిల్లాల్లో ఉదయం 6 నుంచి రాత్రి 10 గంటల వరకు సడలింపు ఉంటుందని... రాత్రి 9 గంటలకే దుకాణాల మూసివేయాలని తెలిపింది.
వైద్యారోగ్య శాఖ అధికారులతో సమీక్ష నిర్వహించిన సీఎం ఈ మేరకు నిర్ణయం తీసుకున్నారు. పాజిటివిటీ రేటు 5 శాతంలోపు వచ్చే వరకు ఆంక్షలు ఉంటాయని వెల్లడించారు. ఈ సడలింపులు ఈనెల 8 నుంచి అమలు కానున్నాయని ముఖ్యమంత్రి జగన్ తెలిపారు.
ఇదీ చూడండి. High court: సోషల్ మీడియాలో జడ్జిలపై అనుచిత వ్యాఖ్యల కేసు విచారణ
