'మా వినతిని స్వీకరించండి... గవర్నర్ గారు'

కేంద్ర ప్రభుత్వం ప్రవేశపెట్టిన బిల్లులోని ఐదు అంశాలను వెంటనే సవరించాలని, చట్ట సవరణలు చేయాలనీ... జూనియర్ వైద్యులంతా కలసి గవర్నర్​కు వినతి పత్రం అందించారు.

కేంద్ర ప్రభుత్వం ప్రవేశపెట్టిన నేషనల్ మెడికల్ కౌన్సిల్ బిల్లును సవరించాలని కోరుతూ ఆంధ్రప్రదేశ్ జూనియర్ వైద్యులు గవర్నర్​కు వినతిపత్రాన్ని సమర్పించారు. రాజ్ భవన్​లో గవర్నర్​ను కలిసి ఎన్ఎంసీ బిల్లులో ఐదు అంశాల్లో చట్ట సవరణలు తేవాలని కోరారు. ప్రస్తుతం లోక్ సభ ,రాజ్యసభల్లో బిల్లు ఆమోదం పొందింది. ఈ తరుణంలో రాష్ట్రపతి దృష్టికి తమ సమస్యను తీసుకెళ్లాలని గవర్నర్​ను కోరారు. చట్టసవరణ జరిగే తాము ఆసుపత్రుల్లో వైద్య సేవలు నిలిపివేసి ఆందోళనలు చేపడతామని తెలిపారు. తమ డిమాండ్లపై హామీ ఇచ్చేంతవరకు ఆందోళన కొనసాగిస్తామని జూనియర్ డాక్టర్స్ అసోసియేషన్ ప్రతినిధి డా .భానుమూర్తి నాయక్ అన్నారు.

ఇదీ చూడండి:'కుటుంబం కాదు... సిద్ధాంతమే భాజపా బలం'