ద్విచక్రవాహనం ఢీ కొని యాచకుని మృతి.. కేసు నమోదు

ద్విచక్రవాహనం ఢీ కొని ఓ యాచకుడు మృతి చెందిన ఘటనలో పోలీసులు కేసు నమోదు చేశారు. నరసరావుపేటకు చెందిన ఓ వ్యక్తి ఆదివారం గుంటూరు జిల్లా ఫిరంగిపురం బస్టాండ్​ వద్ద యాచకులను ద్విచక్రవాహనంతో ఢీ కొట్టాడు. వారిని ఆస్పత్రికి తరలించగా.. అక్కడ చికిత్స పొందుతూ ఓ యాచకుడు సోమవారం మృతి చెందాడు. దీనిపై ఫిరంగి పురం పోలీసులు కేసు నమోదు చేసి దర్యాప్తు చేస్తున్నారు.

ద్విచక్రవాహనం ఢీ కొట్టిన ఘటనలో ఓ యాచకుడు ఆస్పత్రిలో చికిత్స పొందుతూ మృతి చెందాడు. దీనిపై గుంటూరు జిల్లా ఫిరంగిపురం పోలీసులు కేసు నమోదు చేశారు. నరసింహ, అంకమ్మ అనే ఇద్దరు ఫిరంగిపురం బస్​స్టాప్​ వద్ద భిక్షాటన చేస్తూ జీవనం సాగించేవారు. ఇద్దరూ కలిసి ఆదివారం రాత్రి రోడ్డు దాటుతుండగా.. అదే సమయంలో నరసరావుపేటకు చెందిన మస్తాన్​వలి ద్విచక్రవాహనంపై గుంటూరు వెళ్తూ వీరిని ఢీ కొట్టాడు.

ఈ ప్రమాదంలో నరసింహకు తీవ్ర గాయాలు కాగా.. అంకమ్మకు స్వల్పగాయాలయ్యాయి. బాధితులను చికిత్స నిమిత్తం గుంటూరు ప్రభుత్వాసుపత్రికి తరలించారు. అక్కడ చికిత్స పొందుతూ నరసింహ సోమవారం మృతి చెందాడు. ఈ క్రమంలో కేసు నమోదు చేసి దర్యాప్తు చేస్తున్నట్లు ఫిరంగిపురం పోలీసులు తెలిపారు.

ఇదీ చూడండి..