వైకాపా ప్రభుత్వ వైఫల్యాలపై '100 రోజుల జగన్ తుగ్లక్ పాలన' పేరిట తెలుగుదేశం పార్టీ ఓ పుస్తకాన్ని విడుదల చేసింది. 100రోజుల పాలనలో ప్రజా వేదిక కూల్చివేత మొదలు రాజధాని పనులు నిలిపివేయడం, రివర్స్ టెండరింగ్ పేరుతో పోలవరం సహా ఇతర అభివృద్ధి కార్యక్రమాలను అడ్డుకోవటం, తెదేపా నేతలు, కార్యకర్తలు లక్ష్యంగా దాడులు, తెలుగుదేశం హయాంలో అమలు చేసిన వివిధ పథకాల రద్దు తదితర అంశాలన్నింటినీ ఆ పుస్తకంలో పేర్కొన్నట్లు తెదేపా నేతలు తెలిపారు. పార్టీ సీనియర్ నేతలు కళా వెంకట్రావ్, యనమల రామకృష్ణుడు, గోరంట్ల బుచ్చయ్య చౌదరి గుంటూరులోని రాష్ట్ర పార్టీ కార్యాలయంలో ఈ పుస్తకాన్ని విడుదల చేశారు. ఇప్పుడు విడుదల చేసింది మొదటి ఛార్జిషీట్ మాత్రమేనన్న యనమల రామకృష్ణుడు....త్వరలోనే మరొకటి విడుదల చేస్తామని తెలిపారు.
'100 రోజుల జగన్ తుగ్లక్ పాలన'-తెదేపా
