గాడిదల సంచారంపై గ్రామస్థుల వినూత్న నిరసన

ఎర్రబాలెం గ్రామంలో గాడిదల సంచారంపై స్థానికులు వినూత్న రీతిలో నిరసన తెలిపారు. ఓ గాడిదను తెచ్చి పంచాయతీ కార్యదర్శి ఛాంబర్ ఎదుట కట్టేసిన స్థానికులు.. ఎన్నిసార్లు విన్నవించినా అధికారులు పట్టించుకోవడం లేదని ఆగ్రహం వ్యక్తం చేశారు.

గుంటూరు జిల్లా మంగళగిరి మండలం ఎర్రబాలెంలో.. తమ సమస్యలపై గ్రామస్థులు వినూత్నంగా నిరసన తెలిపారు. తమ ఊళ్లో రహదారిపై గాడిదల సంచారంతో తీవ్ర ఇబ్బందులు పడుతున్నామని గతంలో అనేకసార్లు ఫిర్యాదు చేసినా అధికారులు స్పందించలేదు. దీనిపై ఆగ్రహించిన గ్రామస్థులు.. ఓ గాడిదను తీసుకొచ్చి పంచాయతీ కార్యాలయంలో కట్టేశారు. గాడిదల విచ్చలవిడి సంచారంతో వాహనదారులు ప్రమాదాలకు గురవుతున్నారని ఆందోళన చెందుతున్నారు.

ఇదీ చదవండి: AMARAVATI: అమరావతినే ఏకైక రాజధానిగా కొనసాగించాలంటూ.. 625వ రోజు ఆందోళనలు