గుంటూరు జిల్లా వేమూరు నియోజకవర్గం అమర్తలూరు మండల పరిధిలో మైనర్ బాలికపై 55 ఏళ్ల వృద్ధుడు అత్యాచారానికి ప్రయత్నించిన ఘటన ఆలస్యంగా వెలుగులోకి వచ్చింది. సోమవారం మధ్యాహ్నం ఈ ఘటన జరిగింది. దీనిపై సదరు బాలిక కుటుంబసభ్యులు పోలీసులకు ఫిర్యాదు చేశారు.
జరిగిన విషయాన్ని బాలిక తల్లికి సోమవారం రాత్రి తెలపడంతో.. మంగళవారం ఆమె తల్లిదండ్రులు పోలీసులను ఆశ్రయించారు. దిశ డీఎస్పీ రవిచంద్ర, తెనాలి డీఎస్పీ స్రవంతి రాయ్ లు బుధవారం కేసు విచారణ చేపట్టారు. బాలిక ఇంటికి వచ్చి..తల్లిదండ్రుల నుండి వివరాలు సేకరించారు. అత్యాచారయత్నానికి ప్రయత్నించిన వృద్ధుడు ఎలుకల మందు తిని ఆత్మహత్యాయత్నం చేయడంతో.. కుటుంబ సభ్యులు అతడిని వెంటనే తెనాలి ప్రభుత్వాసుపత్రికి తరలించి చికిత్స అందిస్తున్నారు.
ఇదీ చదవండి:
లోకేశ్‌ నరసరావుపేట పర్యటనకు అనుమతి లేదు: ఎస్పీ విశాల్ గున్నీ
