వైసీపీ ప్రజావ్యతిరేక విధానాలపై పోరాడతా: ఆళ్ల రామకృష్ణారెడ్డి

MLA Alla Ramakrishna Will Join Congress Party: షర్మిల కాంగ్రెస్​ పార్టీలో చేరిన వెంటనే తాను కూడా విజయవాడలో ఆ పార్టీ తీర్థం పుచ్చుకుంటానని మంగళగిరి ఎమ్మెల్యే ఆళ్ల రామకృష్ణా రెడ్డి తెలిపారు. మంగళగిరిలోని ఆయన అనుచరులతో ఆర్కే సమావేశమై కీలక వ్యాఖ్యలు చేశారు.

MLA Alla Ramakrishna Will Join Congress Party: కాంగ్రెస్ పార్టీలో చేరిన తర్వాత వైసీపీ తీసుకున్న ప్రజా వ్యతిరేక నిర్ణయాలపై ఖచ్చితంగా పోరాటం చేస్తామని గుంటూరు జిల్లా మంగళగిరి ఎమ్మెల్యే ఆళ్ల రామకృష్ణా రెడ్డి (MLA Alla Ramakrishna) చెప్పారు. మంగళగిరిలోని ఆయన అనుచరులతో ఆర్కే సమావేశమయ్యారు. ఈ సందర్భంగా ఆయన మాట్లాడుతూ అమరావతికి వ్యతిరేకంగా న్యాయస్థానాలలో ఎప్పుడు కేసులు వేయలేదన్నారు. అమరావతి విషయంలో తన నిర్ణయాన్ని కాంగ్రెస్ పార్టీలో చేరిన వెంటనే అందరికీ చెబుతానని స్పష్టం చేశారు. షర్మిల కాంగ్రెస్​లో చేరిన వెంటనే తాను విజయవాడలో ఆ పార్టీ తీర్థం పుచ్చుకుంటానని తెలిపారు.

MLA Alla Ramakrishna Allegations on YCP Govt: సంక్షేమాన్ని మాత్రమే నమ్ముకుని అభివృద్ధిని గాలికి వదిలేస్తే వైసీపీ మళ్లీ అధికారంలోకి ఎలా వస్తుందని ఎమ్మెల్యే ఆళ్ల రామకృష్ణారెడ్డి నిలదీశారు. మంగళగిరికి రూ.1200 కోట్లు కేటాయించామని ఆర్భాటంగా ప్రకటించిన సీఎం జగన్‌ చివరికి రూ.120 కోట్లకు కుదించారన్నారు. జగన్ మాటలు నమ్మి సొంత డబ్బులతో అభివృద్ధి పనులు చేపడితే ఇప్పటికీ ఒక్క రూపాయి కూడా విడుదల చేయలేదన్నారు. అభివృద్ధి పనులు చేయకుండా మళ్లీ మంగళగిరి ప్రజలను ఓట్లు అడగలేకే వైసీపీ, ఎమ్మెల్యేకు రాజీనామా చేశామన్నారు. వైసీపీకి ఎంత సేవ చేశానో నాకు తెలుసు ఆ పార్టీలో ఉండి సర్వస్వం పోగొట్టుకున్నానని అన్నారు. ఇకపై వైఎస్ షర్మిల వెంట నడుస్తానని, షర్మిలమ్మ ఏ నిర్ణయం తీసుకున్నా ఆమె వెంటే ఉంటానని తెలిపారు. మంగళగిరి ప్రజలు అభివృద్ధిని కోరుకుంటున్నారు. ఇప్పటి వరకూ జరగని అభివృద్ధి నాలుగేళ్లలో చేసి చూపించాను. స్వయంగా నేనే రూ.8 కోట్ల వరకు బయట అప్పులు తెచ్చి కాంట్రాక్టర్లకు ఇచ్చానని అన్నారు.

YCP MLA Alla Ramakrishna Reddy Resigned: సీఎం జగన్‌కు అత్యంత సన్నిహితునిగా ముద్రపడిన మంగళగిరి ఎమ్మెల్యే ఆళ్ల రామకృష్ణారెడ్డి ఇటీవల తన పదవికి, వైఎస్సార్ కాంగ్రెస్ పార్టీ రాజీనామా చేసిన విషయం తెలిసిందే. వ్యక్తిగత కారణాలతోనే రాజీనామా చేసినట్లు వెల్లడించారు. ఎమ్మెల్యే పదవికి రాజీనామా చేయటం కష్టమే అయినా తప్పనిసరి పరిస్థితుల్లో నిర్ణయం తీసుకున్నట్లు వెల్లడించారు. తనను రెండుసార్లు గెలిపించిన మంగళగిరి ప్రజలకు కృతజ్ఞతలు తెలిపారు. గతేడాది మంత్రివర్గంలో మార్పులు- చేర్పులు చేసినపుడు కచ్చితంగా ఆర్కేకి పదవి వస్తుందనే అనుకున్నారు. కానీ అప్పుడు జగన్ మొండిచేయి చూపించారు. అప్పటినుంచి ఆర్కే అసంతృప్తిగా ఉండటంతో పార్టీ వీడతారనే ప్రచారం జరిగింది.

ఆ తరువాత సీఎం ఆర్కేని పిలిపించుకుని మాట్లాడిన తర్వాత వెనక్కి తగ్గారు. అది జరిగిన నాలుగు నెలలకే మంగళగిరి పట్టణ మాజీ ఛైర్మన్, బీసీ నేత గంజి చిరంజీవిని వైసీపీలోకి తెచ్చుకున్నారు. అయినప్పటికీ తానే వచ్చే ఎన్నికల్లో మంగళగిరిలో వైసీపీ అభ్యర్థిగా పోటీ చేస్తానంటూ ఆర్కే ప్రకటించినా పరిస్థితులు మాత్రం అందుకు భిన్నంగా సాగాయి. ఇప్పుడు ఆయనకు అక్కడ టికెట్‌ లేదని వైసీపీ అధినాయకత్వం స్పష్టతనిచ్చిందని తెలిసింది. ఈ కారణాలతోనే రాజీనామా చేసినట్లు నియోజకవర్గంలో చర్చించుకుంటున్నారు.