మలేషియాలో నావికాధికారిగా పనిచేస్తున్న గుంటూరుకు చెందిన యువకుడు అదృశ్యమయ్యాడు. కొంతకాలంగా ఓ ప్రైవేటు నావికా సంస్థలో అధికారిగా పనిచేస్తున్న కాకర్ల శ్రీనివాసరావు కన్పించడం లేదని గుంటూరులోని అతని స్నేహితుడు రాజేంద్రకు సమాచారం అందింది. ఈ విషయాన్ని శ్రీనివాసరావు సోదరుడు వెంకటేశ్వరరావుకు తెలియజేశారు.
శ్రీనివాసరావుకు విశాఖకు చెందిన ఓ యువతితో పరిచయం ఉంది. అతని అదృశ్యం వెనుక కారణమేంటో తమకు అర్థం కావడం లేదని సోదరుడు వెంకటేశ్వరరావు ఆవేదన వ్యక్తం చేస్తున్నారు. విశాఖలో యువతితోపాటు అతని స్నేహితుడిని విచారణ చేయాలంటూ వెంకటేశ్వరరావు.. ఈ నెల 3న ఆరండల్ పేట పోలీసులను ఆశ్రయించారు. అయితే.. పోలీసులు కేసు నమోదు చేయలేదని వెంకటేశ్వరరావు వాపోయారు. పోలీసులు సమగ్ర దర్యాప్తు నిర్వహించి.. తమ తమ్ముడి ఆచూకీ తెలిజేయాలని కోరారు.
ఇదీ చదవండి:
