ప్రజాసమస్యలపై అలసత్వం...ఎంపీడీవోలకు జేసీ తాకీదులు

ప్రజల సమస్యలపై ఇచ్చిన అర్జీల నమోదులో పురోగతి లేకపోవటంతో గుంటూరు జిల్లా సంయుక్త కలెక్టర్-2 పి.ప్రశాంతి ఎంపీడీవోలకు తాకీదులు జారీ చేసింది. 24 గంటల్లో వివరణ ఇవ్వాలని 18 మండలాల ఎంపీడీవోలను ఆదేశించారు.

గ్రామ సచివాలయాల్లో ప్రజల సమస్యలపై ఇచ్చిన అర్జీల నమోదులో పురోగతి లేకపోవటంతో గుంటూరు జిల్లా సంయుక్త కలెక్టర్-2 పి.ప్రశాంతి ఎంపీడీవోలకు తాకీదులు జారీ చేసింది. జిల్లాపరిషత్తు అధికారులు, ఉద్యోగులు ఫోన్లు చేసి చెప్పినా ఎంపీడీవోల్లో మార్పులేదని తెలిసింది. దీనిపై జేసీ-2 ఎంపీడీవోలకు తాకీదులు జారీ చేసి 24 గంటల్లో వివరణ ఇవ్వాలని ఆదేశించారు. ప్రజలకు సుపరిపాలన అందజేసేందుకు గ్రామ సచివాలయాలను ఏర్పాటు చేసినందున బాధ్యతతో పనిచేయాలని ఎంపీడీవోలకు జేసీ స్పష్టం చేశారు.

తాకీదులు అందుకున్న ఎంపీడీవోలు

• అమృతలూరు
• భట్టిప్రోలు
• బొల్లాపల్లి
• చేబ్రోలు
• చెరుకుపల్లి
• దుగ్గిరాల
• కర్లపాలెం
• కొల్లిపర
• కొల్లూరు
• ముప్పాళ్ల
• నిజాంపట్నం
• పి.వి.పాలెం
• పొన్నూరు
• రాజుపాలెం
• చుండూరు
• వెల్దుర్తి
• వినుకొండ
• కాకుమాను