స్వర్ణ ప్యాలెస్ ప్రమాదంలో గుంటూరు జిల్లా మహిళ మృతి

విజయవాడ స్వర్ణప్యాలెస్ కొవిడ్ సెంటర్​లో జరిగిన అగ్నిప్రమాదంలో గుంటూరు జిల్లాకు చెందిన మహిళ మృతి చెందారు. రెండు రోజుల క్రితమే కరోనా పాజిటివ్ రావటంతో స్వర్ణప్యాలెస్ కొవిడ్ కేంద్రంలో చేరినట్లు బాధిత కుటుంబసభ్యులు తెలిపారు.

విజయవాడ స్వర్ణప్యాలెస్​లో జరిగిన అగ్ని ప్రమాదంలో గుంటూరు జిల్లా పొన్నూరు మండలం నిడుబ్రోలు 15వ వార్డుకు చెందిన స్వర్ణలత(42) మృతి చెందింది. కరోనా పాజిటివ్ నిర్ధరణ కావటంతో రెండు రోజుల క్రితం విజయవాడ రమేష్ హాస్పిటల్​లో చేరిన స్వర్ణలత.. స్వర్ణప్యాలెస్ కొవిడ్ సెంటర్​లో వైద్యం తీసుకుంటున్నట్లు కుటుంబసభ్యులు తెలిపారు. ఉదయం జరిగిన అగ్ని ప్రమాదంలో ఊపిరాడక మృతి చెందింది. బాధిత కుటుంబాన్ని మాజీ శాసన సభ్యులు ధూళిపాళ్ల నరేంద్ర కుమార్ పరామర్శించారు.

ఇదీ చూడండి