కోల్​కతా నుంచి వచ్చిన వ్యక్తి ద్వారా.. పిరంగిపురానికి కరోనా

కోల్​కతా నుంచి గుంటూరు జిల్లా తాడికొండ నియోజక వర్గం పిరంగిపురానికి వచ్చిన వ్యక్తికి కరోనా పాజిటివ్​గా తేలింది. దీంతో అప్రమత్తమైన అధికారులు ఆ ప్రాంతాన్ని కంటైన్మెంట్​ జోన్​గా ప్రకటించారు. ప్రత్యేక పారిశుద్థ్య పనులు చేశారు. కరోనా పాజిటివ్​ వచ్చిన వ్యక్తితో ప్రత్యక్ష సంబంధమున్న వ్యక్తులను క్వారంటైన్​కు తరలించారు.

గుంటూరు జిల్లా తాడికొండ నియోజక వర్గం కరోనా కలకలం రేపింది. పిరంగిపురానికి చెందిన వ్యక్తికి కరోనా పాజిటివ్ రావడం మండలంలో తొలి కేసు నమోదైంది. కోల్​కతాలో ప్రైవేట్​ వైద్యుడుగా పని చేస్తున్న వ్యక్తి ఈనెల 8న గ్రామానికి వచ్చాడు. అతనికి పరీక్షలు జరిపించగా శుక్రవారం కరోనా పాజిటివ్ అని తేలింది. దీంతో అప్రమత్తమైన అధికారులు అతనిని మంగళగిరి ఎన్ఆర్​ఐ ఆసుపత్రికి తరలించి, ఇంటికి 200 మీటర్ల దూరం వరకు కంటైన్మెంట్​ జోన్​గా ప్రకటించారు. మరో 200 మీటర్లు బఫర్ జోనుగా ప్రకటించి, ప్రత్యేక పారిశుద్ధ్య పనులు చేపట్టారు.

ఇవీ చూడండి...