కోడెల అకాల మరణం చెందారని తెలిసి గుంటూరుకు చెందిన తెదేపా అభిమాని మద్దినేని వెంకటేశ్వర్లు గుండెపోటుతో మృతి చెందారు. నెల్లూరు జిల్లా ఉదయగిరి మండలానికి చెందిన ఆయన...గత 25 సంవత్సరాలుగా గుంటూరులో నివాసం ఉంటున్నారు. విజయవాడ నుంచి కోడెల పార్థివ దేహంతో పాటు గుంటూరు రాష్ట్ర పార్టీ కార్యాలయం వరకు ర్యాలీలో పాల్గొన్నారని బంధువులు తెలిపారు. నిన్న రాత్రి 10. 30 గంటలకు ఇంటికి వచ్చి హఠాత్తుగా కుప్పకూలిపోయాడన్నారు. అంత్యక్రియలకు స్వగ్రామమైన ఉదయగిరికి తీసుకువెళ్లారని స్నేహితులు వెల్లడించారు.
ఇదీ చూడండి: 'కోడెల మృతిపై సోషల్ మీడియాలో వచ్చే వార్తలు అవాస్తవం'
