మద్యం కొనడానికి డబ్బుల్లేక ఓ వ్యక్తి శానిటైజర్ తాగాడు. తీవ్ర ఆస్వస్థకు గురైన అతన్ని ఆసుపత్రికి తీసుకెళ్లగా చికిత్స పొందుతూ మృతి చెందాడు. ఈ ఘటన గుంటూరు జిల్లా చిలకలూరిపేటలో జరిగింది.
బాబుగారితోట‌కు చెందిన బెల్లంకొండ వాసు(33) మైదానం ప్రాంతంలో పూలు అమ్ముకుంటూ జీవిస్తున్నాడు. మద్యానికి బానిస‌గా మార‌డంతో అత‌ని భార్య వ‌దిలేసింది. ఈ క్ర‌మంలో ఈనెల 21న మద్యం తాగేందుకు డ‌బ్బులు లేక శానిటైజర్ కొనుక్కుని తాగాడు.
ఆ త‌ర్వాత తీవ్ర అస్వ‌స్థ‌త‌కు గురికావ‌డంతో అత‌డి బంధువులు.. గుంటూరు జీజీహెచ్‌లో చేర్పించారు. చికిత్స పొందుతూ శుక్ర‌వారం రాత్రి మృతి చెందాడు. వాసు సోద‌రుడు దుర్గాప్ర‌సాద్ ఫిర్యాదు మేరకు చిల‌క‌లూరిపేట అర్బ‌న్ పోలీసుల‌ు కేసు న‌మోదు చేసుకుని ద‌ర్యాప్తు చేస్తున్నారు.
ఇదీ చదవండి: 'డ్రగ్స్ వదిలేద్దాం.. ఆరోగ్యకరమైన సమాజాన్ని స్థాపిద్దాం'
