- నార్కట్పల్లి - అద్దంకి హైవేపై ప్రమాదం
గుంటూరు జిల్లా రొంపిచర్ల వద్ద నార్కట్పల్లి - అద్దంకి హైవేపై ప్రైవేటు బస్సు బోల్తా పడింది. ఈ ఘటనలో 40 మంది ప్రయాణికులు గాయపడ్డారు. హైదరాబాద్ నుంచి కందుకూరు వెళ్తున్న బస్సు, నార్కట్పల్లి - అద్దంకి రహదారిపైకి వచ్చేసరికి ప్రమాదవశాత్తూ బోల్తా పడింది. ఈ ప్రమాదంలో గాయపడిన వారిని నరసరావుపేట ప్రభుత్వ ఆసుపత్రి తరలించారు.
- తెనాలిలో..
గుంటూరు జిల్లా తెనాలిలో ఆగి ఉన్న లారీని.. కారు ఢీ కొట్టింది. ఈ ప్రమాదంలో ముగ్గురు వ్యక్తులు తీవ్రంగా గాయపడ్డారు. భద్రాచలం నుంచి వేమూరు మండలం జంపని గ్రామానికి ముగ్గురు వ్యక్తులు కారులో వెళ్తున్నారు. తెనాలి ఎన్వీఆర్ బ్రిడ్జి వద్ద సిమెంట్ లోడుతో ఆగి ఉన్న లారీని, కారు వెనుక నుంచి ఢీకొట్టింది. ఈ ప్రమాదంలో కారులోని ముగ్గురు ప్రయాణికులు తీవ్రంగా గాయపడగా, ఒకరి పరిస్థితి విషమంగా ఉంది. గాయపడిన ముగ్గురినీ తెనాలి ప్రభుత్వ ఆసుపత్రికి తరలించారు. ప్రాథమిక చికిత్స అనంతరం, మెరుగైన వైద్యం కోసం గుంటూరు జిల్లా ప్రభుత్వ ఆసుపత్రికి తరలించారు.
ఇదీ చదవండి:
