మంత్రులు సహకరించడం లేదు.. వైకాపా ఎమ్మెల్యే విమర్శలు

తూర్పుగోదావరి జిల్లాలో అధికార పార్టీకి చెందిన ఎమ్మెల్యే.. మంత్రులపై విమర్శలు చేశారు. జిల్లాలోని పి.గన్నవరం నియోజకవర్గ ఎమ్మెల్యే కొండేటి చిట్టిబాబు శంకరయ్య గూడెంలో జరిగిన సభలో మంత్రులను విమర్శించారు. తాను తొలిసారిగా ఎమ్మెల్యే కావటంతో, మంత్రులు సహకరించడం లేదని ఆవేదన వ్యక్తం చేశారు.

తూర్పుగోదావరి జిల్లాలో అధికార పార్టీకి చెందిన శాసనసభ్యుడు.. మంత్రులపై విమర్శలు చేశారు. పి.గన్నవరం నియోజకవర్గ ఎమ్మెల్యే కొండేటి చిట్టిబాబు... అయినవిల్లి మండలం శంకరయ్య గూడెంలో జరిగిన పాదయాత్రలో పాల్గొన్నారు. అక్కడ జరిగిన సభలో ఆయన మంత్రులపై విమర్శలు చేశారు. శంకరయ్య గూడెంలో సచివాలయ భవన నిర్మాణం నిమిత్తం... ఎమ్మెల్యే చిట్టిబాబు నెల రోజుల క్రితం శంకుస్థాపన చేయగా... ఇప్పుడా సచివాలయం క్రాప గ్రామానికి మారింది. దీంతో శంకరయ్యగూడెం గ్రామ ప్రజలు ఎమ్మెల్యే చిట్టి బాబు ఎదుట ఆవేదన వ్యక్తం చేశారు. దీనిపై స్పందించిన ఆయన... కొన్ని దుష్టశక్తులు వెనక ఉండి నడిపిస్తున్నారని... తాను తొలిసారిగా ఎమ్మెల్యే కావటంతో, మంత్రులు సహకరించడం లేదని ఆవేదన చెందారు.

ఇదీ చదవండి: