తూర్పుగోదావరి జిల్లా అమలాపురం ఒక ఇంట్లో పనిమనిషిగా చేరి బంగారు వస్తువులు కాజేసిన మహిళ నుంచి 23 కాసుల బంగారు వస్తువులను పోలీసులు స్వాధీనం చేసుకున్నారు. అమలాపురంలోని కల్వకొలను వీధిలో పీ అనంతలక్ష్మి అనే మహిళ ఇంట్లో గుంటూరు జిల్లాకు గురజాలకు చెందిన మేరీ సునీత ఈ నెల 3న పనిమనిషిగా చేరింది. చేరిన రోజే ఆ ఇంట్లో నుంచి 23 కాసుల బంగారు వస్తువులను దొంగిలించి పరారైంది. బాధితులిచ్చిన ఫిర్యాదుతో రంగంలోకి దిగిన అమలాపురం పోలీసులు గాలింపు చర్యలు చేపట్టారు. సునీతని పట్టుకుని ఆమె నుంచి ఇరవై మూడు కాసులు బంగారు వస్తువులు స్వాధీనం చేసుకున్నామని డీఎస్పీ వై మాధవరెడ్డి తెలిపారు. చోరీకి పాల్పడిన మహిళపై గతంలో 11 కేసులు నమోదై ఉన్నాయని చెప్పారు.
ఇదీ చదవండి : రూ. 10.72 లక్షల విలువైన గంజాయి పట్టివేత
