భక్తులతో కిటకిటలాడుతున్న కోనసీమ తిరుపతి

కోనసీమ తిరుపతిగా పేరుగాంచిన ఆత్రేయపురం మండలంలోని వాడపల్లి శ్రీ వెంకటేశ్వర స్వామి ఆలయం భక్తులతో కిటకిటలాడింది. దేవాదాయ శాఖ అధికారులు కొవిడ్ నిబంధనలు పాటిస్తూ.. భక్తులకు స్వామివారి దర్శనానికి అవకాశం కల్పించారు.

తూర్పుగోదావరి జిల్లా ఆత్రేయపురం మండలం వాడపల్లి వెంకటేశ్వర స్వామివారి ఆలయం భక్తులతో కిటకిటలాడింది. నవరాత్రుల మహోత్సవం, ఏడు శనివారాల నోము నోచుకునే భక్తులు రాష్ట్ర నలుమూలల నుంచి అధిక సంఖ్యలో తరలిరావడం వల్ల ఆలయం రద్దీగా మారింది.

స్వామి- అమ్మవార్లకు వేదపండితులు ప్రత్యేక పూజలు నిర్వహించారు. ఈ నేపథ్యంలో కొవిడ్ నిబంధనలు పాటిస్తూ.. దేవాదాయ శాఖ అధికారులు తగిన ఏర్పాట్లు చేశారు. ఎలాంటి ఇబ్బంది లేకుండా భక్తులకు స్వామి దర్శనానికి అవకాశం కల్పించారు.

ఇదీ చూడండి: