ట్రాక్టర్ ఢీ... తల్లి, 28 రోజుల పసికందు దుర్మరణం

ద్విచక్ర వాహనాన్ని ట్రాక్టర్ ఢీ కొని తల్లి, 28 రోజుల పసికందు మృతి చెందిన హృదయవిదారక ఘటన తూర్పు గోదావరి జిల్లా ఎస్.ఎస్ వెంకటనగరంలో జరిగింది. కొద్ది సెకన్లలో ఇంటికి చేరుకుంటామనుకునేలోగా ఈ ప్రమాదం జరగడంతో గ్రామంలో విషాదఛాయలు అలుముకున్నాయి.

ద్విచక్ర వాహనాన్ని ట్రాక్టర్​ ఎదురుగా ఢీకొన్న ప్రమాదంలో తల్లితో పాటు 28 రోజుల పసికందు మృతి చెందింది. తూర్పు గోదావరి జిల్లా తుని మండలం ఎన్.ఎస్ వెంకటనగరం గ్రామంలో ఈ ప్రమాదం జరిగింది. ఎన్​ఎస్ వెంకటనగరం గ్రామానికి చెందిన వరలక్ష్మి.. తన 28 రోజుల బిడ్డతో కలిసి చీడికలోని తన అమ్మవాళ్ల ఇంటి నుంచి అత్తగారి ఇంటికి వెళ్తోంది. తమ్ముడి ద్విచక్రవాహంపై ఎన్​ఎస్ వెంకటనగరంలోని అత్తగారింటికి సమీపంలోకి రాగానే మట్టి ట్రాక్టర్​ ఎదురుగా ఢీకొట్టింది. ఈ ప్రమాదంలో వరలక్షి, ఆమె బిడ్డ అక్కడికక్కడే మృతి చెందారు. కుటుంబ సభ్యుల రోదనలతో.. గ్రామంలో విషాదఛాయలు అలుముకున్నాయి.

ఇదీ చదవండి: అరెస్టు చేస్తేనే.. మృతదేహానికి ఖననం