అమరావతికి మద్దతుగా రామవరంలో రహదారి దిగ్బంధం

అమరావతికి మద్దతుగా కిర్లంపూడి మండలంలో జిల్లా పరిషత్​ మాజీ ఛైర్మన్​ జ్యోతుల నవీన్ కుమార్ నిరసన చేపట్టారు. జాతీయ రహదారిపై పెద్ద ఎత్తున టైర్లు దగ్ధం చేయటంతో పోలీసులు నవీన్​ను అదుపులోకి తీసుకుని జగ్గంపేట పోలీస్​ స్టేషన్​కి తరలించారు.

అమరావతిని రాజధానిగా కొనసాగించాలని డిమాండ్ చేస్తూ తూర్పుగోదావరి జిల్లాలో తెదేపా శ్రేణులు నిరసన చేపట్టారు. జిల్లా పరిషత్​ మాజీ ఛైర్మన్​ జ్యోతుల నవీన్ కుమార్ ఆధ్వర్యంలో రామవరం వద్ద జాతీయ రహదారిపై పెద్ద ఎత్తున టైర్లు దగ్దం చేశారు. అనంతరం నవీన్ రోడ్డుపై బైఠాయించి రాజధానికి మద్దతుగా నినాదాలు చేశారు. అమరావతి కోసం భూములిచ్చిన రైతుల త్యాగాన్ని ముఖ్యమంత్రి జగన్మోహన్​ రెడ్డి అవమానిస్తున్నారంటూ విమర్శించారు. రహదారి దిగ్బంధంతో పోలీసులు నవీన్​ను అదుపులోకి తీసుకుని జగ్గంపేట పోలీస్​ స్టేషన్​కి తరలించారు.

ఇదీ చూడండి: రాజధాని రైతుల సచివాలయ ముట్టడి.. పోలీసుల లాఠీఛార్జి