'ఉత్తమ ఆశయాలతో విద్యార్థులు ముందుకు సాగాలి'

తూర్పు గోదావరి జిల్లా మండపేట మండలం ద్వారపూడిలో విద్యార్థి భవిష్యత్-సమాజ శ్రేయస్సు అనే అంశంపై విద్యార్థులకు చైతన్య సదస్సు జరిగింది. ఈ కార్యక్రమానికి ముఖ్య అతిథులుగా జేడీ లక్ష్మీనారాయణ, సినీ నటులు ఆర్​.నారాయణ మూర్తి హాజరయ్యారు.

దేశ భవిష్యత్ కాపాడే విధంగా విద్యార్థుల చదువులు ఉండాలని సీబీఐ మాజీ జాయింట్ డైరెక్టర్ జేడీ లక్ష్మీనారాయణ అన్నారు. తూర్పుగోదావరి జిల్లా మండపేట మండలం ద్వారపూడిలో జరిగిన సదస్సులో ఆయన పాల్గొన్నారు. ఉత్తమ ఆశయాలతో తనదైన లక్ష్యాన్ని సాధించే దిశగా యువత ముందుకు సాగాలని స్వామి వివేకానంద ప్రసంగ సారాంశాన్ని విద్యార్థులకు ఆయన వివరించారు. మనకు అత్మవిశ్వాసం, నమ్మకం ఉంటే ఎన్ని అవాంతరాలు ఎదురైనా... వాటిని దాటుకుని లక్ష్యాన్ని సాధించవచ్చని తెలిపారు. గొప్పవారి జీవిత చరిత్రలు చదవాలన్నారు. వాటిని స్ఫూర్తిగా తీసుకుని ప్రతి ఒక్కరూ ముందుకు వెళితే లక్ష్యాన్ని సాధించడం కష్టం కాదని లక్ష్మీనారాయణ తెలిపారు.

ఇదీ చదవండి: సెట్రాజ్ సీఈవో రఘుబాబు ఇంట్లో ఏసీబీ సోదాలు