బాలికలకు వ్యక్తిగత శుభ్రత నిమిత్తం తూర్పుగోదావరి జిల్లాలోని 324 ప్రభుత్వ ఉన్నత పాఠశాలల్లో శానిటరీ నాప్కిన్ యంత్రాలను అందుబాటులోకి తెస్తున్నారు. జిల్లాలో 624 ఉన్నత పాఠశాలలు ఉన్నాయి.. తొలివిడతగా 324 పాఠశాలల్లో యంత్రాలను అందుబాటులోకి తీసుకు వస్తున్నామని జిల్లా విద్యాశాఖ అధికారి ఈఎస్ అబ్రహం తెలిపారు.
విద్యార్థినులు పాఠశాలకు వచ్చిన తర్వాత అవసరం వచ్చినప్పుడు యంత్రంలో అమర్చిన నాప్కిన్లు తీసుకునే విధంగా అమర్చుతారు. ఒక్కో యంత్రంలో 26 సెట్ల రుతురుమాళ్లుంటాయి. ఒక్కో సెట్లో మూడు ఉంటాయి. రుతురుమాళ్లు అవసరమైన విద్యార్థిని యంత్రంలో కాయిన్ వేస్తే ఒక సెట్ బయటకు వస్తుంది. దాంట్లో ఒక దానిని వినియోగించుకుని మిగిలిన రెండు ఇంటికి తీసుకెళ్లవచ్చు. వీటిని విద్యార్థినులకు ఉచితంగా ఇస్తారు. వినియోగించినవాటిని బటయపడేయకుండా దానిని బూడిద చేసే యూనిట్లో వేయాలి.
విద్యార్థినుల సంఖ్యకు అనుగుణంగా రుతురుమాళ్లు విద్యాశాఖ ద్వారా పాఠశాలలకు సరఫరా చేస్తారు. వీటిని పాఠశాలలో ఒక ఉపాధ్యాయిని వద్ద ఉంచుతారు. కాయిన్లు కూడా ఆమె వద్ద ఉంటాయి. కావలసిన వారు ఆమె వద్ద కాయిన్ తీసుకుంటారు. దాని ఆధారంగా ఈ యంత్రం నుంచి రుతురుమాళ్లు తీసుకుని సద్వినియోగం చేసుకోవాలి.
ఇదీ చదవండి:
