12 లక్షల విలువైన గుట్కా స్వాధీనం

గుట్కా ప్యాకెట్లు భారీగా పట్టుబడ్డాయి. తూర్పుగోదావరి జిల్లా తుని వద్ద పోలీసులు నలుగురు నిందితులను అదుపులోకి తీసుకున్నారు. వారి నుంచి 620 కేజీల గుట్కా ప్యాకెట్లు స్వాధీనం చేసుకున్నారు. వీటి విలువ సుమారు 12 లక్షల రూపాయలు ఉంటుందని అంచనా.

తూర్పుగోదావరి జిల్లా తుని వద్ద గుట్కా రవాణా చేస్తున్న లారీని పోలీసులు అదుపులోకి తీసుకున్నారు. జాతీయ రహదారిపై నిర్వహించిన తనిఖీల్లో 620 కేజీల గుట్కా ప్యాకెట్లు స్వాధీనం చేసుకుని నలుగురుని అరెస్ట్‌ చేశారు. గుట్కా ప్యాకెట్లు 12 లక్షల విలువుంటుందని పోలీసులు చెప్పారు. నిందితులు విజయవాడ, ప్రకాశం జిల్లాకు చెందిన వారిగా గుర్తించారు.