బోరులోంచి బయటకొచ్చిన ప్లాస్టిక్ వ్యర్థాలు
మూడేళ్లనుంచి నిరూపయోగంగా ఉన్న బోరును శుభ్రం చేసేందుకు ప్రయత్నించగా అందులోనుంచి నీటితోపాటు తాగిపడేసిన నాటుసారా ప్యాకెట్లు, వలలు, ప్లాస్టిక్ కవర్లు బయటకొచ్చాయి. ఈ ఘటన తూర్పుగోదావరి జిల్లా రంగంపేట మండలం దొడ్డిగుంటలో జరిగింది. ఇందుకు సంబంధించిన ఓ వీడియో.. ప్రస్తుతం సామాజిక మాధ్యంలో వైరల్గా మారింది.
గ్రామంలోని ఒ బోరు నిరూపయోగంగా పడి ఉంది. ఎండాకాలం కావడంతో స్థానికుల నీటి కోరత తీర్చేందుకు ఆ బోరును పంచాయతీ సిబ్బంది బాగు చేయించే ప్రయత్నించారు. మెషీన్తో బోరును శుభ్రం చేస్తుండగా.. నాటు సారా ప్యాకెట్లు, వలలు, చెత్త కాగితాలు పైకి నీటితో పాటుగా వెదజల్లి పడ్డాయి. స్థానికులు ఆశ్చర్యానికి గురయ్యారు. స్థానికుడు వీడియో తీసి సామజిక మాధ్యమంలో పెట్టారు. చాలా రకాల వ్యర్థాలు, నీతోపాటు వచ్చినట్టు ఆర్డబ్ల్యూఎస్ జేఈ రాంజీ తెలిపారు.
ఇదీ చూడండి:
