తూర్పుగోదావరి జిల్లా అన్నవరానికి చెందిన పలివెల ముసలమ్మకు చాలా ఏళ్లుగా వృద్ధాప్య పింఛను వస్తోంది. ఆ డబ్బుతోనే ఆమె కాలం వెళ్లదీస్తోంది. అయితే వైకాపా అధికారంలోకి వచ్చాక చేయించిన నవశకం సర్వేలో ఆమె వయసు సరిపోలేదని చెప్పి.. పింఛను పొందేందుకు అర్హురాలు కాదని చెప్పారు. దీనిపై ముసలమ్మ అధికారులకు అర్జీ పెట్టుకోగా రీసర్వే చేసి అర్హురాలిగా తేల్చారు. అయినప్పటికీ 6 నెలలుగా పింఛను అందడంలేదు.
దీని గురించి పంచాయతీ, మండల, జిల్లా స్థాయి అధికారుల చుట్టూ కాళ్లరిగేలా తిరుగుతూనే ఉంది. అయినప్పటికీ ఫలితం లేదని వాపోయిందా వృద్ధురాలు. ఈ విషయమై శంకవరం ఎంపీడీవో రాంబాబును ఈటీవీ భారత్ సంప్రదించగా.. పింఛను పొందేందుకు ఆమె అర్హురాలేనని.. అయితే డీఆర్డీఏలో సాంకేతిక సమస్య వలన అనర్హురాలిగా నమోదైందన్నారు. ఈ సమస్యను ఉన్నతాధికారుల దృష్టికి తీసుకెళ్లి ఆమెకు న్యాయం చేస్తామని తెలిపారు.
ఇవీ చదవండి...
