హోటల్లోకి లారీ.. ముగ్గురు మహిళల మృతి
తూర్పూగోదావరి జిల్లా చింతూరు మండలం చట్టిలో ఓ లారీ బీభత్సం సృష్టించింది. అతి వేగంతో వచ్చి.. అదుపుతప్పి హోటల్లోకి దూసుకెళ్లింది. ఈ ఘటనలో.. ముగ్గురు మహిళలు మృతి చెందారు. ఆ ముగ్గురూ అక్కడికి తేనీరు తాగేందుకు వెళ్లిన సమయంలో ప్రమాదం జరిగింది. ఘటనలో.. లారీ డ్రైవర్, క్లీనర్‌తో పాటు మరో మహిళకు తీవ్ర గాయాలయ్యాయి. క్షతగాత్రులను చింతూరు ప్రాంతీయ ఆస్పత్రికి తరలించారు. మృతులను ఛత్తీస్‌గఢ్ సుక్మా జిల్లా కామరాజుపేట వాసులుగా గుర్తించారు.
